Steinarr Bjarni Guðmundsson

Sveitastrákur í gegnum þykkt og þunnt, frá Stóru Mörk undir Eyjafjöllum. Drakk í mig heimspeki Karl Marx þegar ég var að sækja kýrnar heima í sveitinni ásamt stelpunni á næsta bæ. Hún var árinu eldri og ég bar mikla virðingu fyrir hennar skoðunum og geri enn.

Eins og svo margir Eyfelligar fór ég á vertíðar til Eyja. Var líka ár í Noregi að vinna á sveitabæjum.

Búfræðingur frá Hvanneyri með framhaldsmenntun frá Nordisk Landboskole (seinna Nordisk Landbrugsakademi og enn seinna ekki til )

Hef unnið sem kennari í 10 ár, mest í Brekkuskóla á Akureyri en er núna að keyra lyftara í saltfiskverkun á Hornafirði.

Vona að heimurinn fari batnandi og vil gera allt sem ég get til þess. En stundum þarf maður að fara eitt skref afturábak til að komast tvö skref áfram.

Ábyrgðarmaður skv. Þjóðskrá: Steinarr Bjarni Guðmundsson